الربح من الإنستغرام
سلام الدراري أو الدريات🤗 بالنسبة لناس لعنندهوم حسابInstagram😁 أو تا لمعندهومش هادي هي الفرصة باش إديرو أو الأكيد أنك شي مرة غادي تكون تسائلتي معا راسك🤔 علاش ناس تيديروsponsorisés للحسابات ديالهوم أو واش تيربحو شي فلوس.الجاوب هو أهInstagram فيه فلوس داكشي علاش فهاد البوسط غادي نشرح ليكم بعض الطرق لغادي إخليوك تربح من Instagram مبالغ تقدر تجاوز $500 على حساب الخدمة ديالك أو خاصك تخدم شوية عقلك أو تحيد عليك العكز😒 أو أول حاجة دير هي تقرا هاد البوسط راني حاولت نلخصو ما أمكن لمهم بلاما نطول عليكم ندخلو ف صلب الموضوع
1-بيع الصور: دبا غادي تسائل معا راسك كيفاش بيع الصور🤔 واش أي صورة . الجواب لا😢 الفكرة هو أنه كاينين بعض الشركات ف جميع أنحاء العالم تتبغي تشري تصاور ديال شي منطقة أولا بلد معين☺ مثالا شي موقع عالمي بغا إهضر على المناطق السياحية ف المغرب أولا شي شركة سياحة تما غادي إجي الدور ديالك حيت غادي تعرض الصور ديالك ف الحساب ديالك بطريقة جذابة أو غادي تواصل😁 معا باش تبيع ليها التصاور ديالك
ومن بين أبرز المنصات لي تتشري الصور "ناسيونال جيوغرافيك" لي تتهتم بزاف بشراء صور الهواة وتتعاود تشاركها فالحساب ديالها
2-مراجعة المنتوجات كيفاش هاد المصطلح🤔 ديال مراجعة هو أنك تتوصل بمنتوج باش تعمل ليه إشهار أو أشنو تنقصد هنا بمنتوج (برنامج -تطبيق-أدوات التجميل-ملابس..ألخ)😀 أو هذا تيتطلب منك أن الحساب ديالك إكون مهتم ب نتش (niche) مجال مثلا قطط-ساعات...ألخ أو تتوصل معا الشركات تطلب منها أنها ترسل ليك المنتوج+مبلغ مالي 💰(فالأول مايكونش كبير) لاكن هاذا تتيتطلب أنه إكون عندك عدد محترم من المتابعين😟 باش تخلي أن الشركة تزعم باش تعامل معاك
3-التسويق بالعمولة غادي نحاول شرح ليكم المصطلح بطريقتي الخاصة 🤔كاينين بعض المواقع لي خدامة بهاذ المبدأ هو أنه تدير ليك المنتجات أونتا خاصك تسوق ليهم أو تعرضهم للناس أو مقابل كل منتوج تشرى من عند الناس لي نتا سوقتيه ليهم هادا المنتوج تتحصل على واحد النسبة😵 نزيد نشرح ليكم مثلا شي موقع خدام بالتسويق بالعملات أو دار مثلا شي هاتف الثمن ديالو 3000dh نتا تتحصل مثلا على 100dh على كل زبون شرى الهاتف عن طريقك نتما أنني نكون فهمت ليكم التسويق بالعمولة 😌أو لي هيا متتختالفش على على مراجعة المنتوجات غير هوا مراجعة المنتوجات تتشد الفلوس سوى الناس شراو المنتوج أولا مشراوهش ولاكن التسويق بالعمولة متتشدش الفلوس حتى تتكتمل عملية شراء المنتوج
4-بيع حساباتinstagram 😍هاد المرة هاد الطريقة ساهلة تتطلع الحساب ف أي نيتش أو تتعرضو للبيع ف أي منصة أولا Instagram نفسو بحيث كاينين بعض الأشخاص أولا الشركات تتجيهم ديك المرحلة ديال تجميع المتابعين مملة و متعبة أو تيلتجؤا لشراء حسابات مجهزة😏
5-الربح من خلال التدوين اه😍 مازال إمكن لي تربح سوى من خلال التدون الكتابي أولا المرئي🤔 بحيت أنك تقدر توسع دائرة المتابعين ديالك أو تبقا تشارك داكشي لتدير فالحساب ديالك😋 أمن بعد غادي تبقا دير رابط ديال تدوينات ديالك أولا الفيديوهات ديالك باش تحصل على أكبر عدد ديال المشاهدات أي الأرباح😵 غادي تزاد أو تقدر تخلي لحساب ديالك منصة إخبارية للمتابعين بحيث أنك غادي تبقا تنبه المعجبين أنك لحيت محتوى جديد حيت ولات فيسبوك😞 تتخفظ نسبة الوصول للمنشور
6-الحصول على زبناء محتملين عبر انستقرام كيفما تنعرفو فinstagram تقدر تنشر فيها فيديوات و صورة🙄 هادشي تقدر تستغلو لصالحك بحيث أنك تقدر تعرض المهارات ديالك فأي مجال(التصميم-مواقع-برامج...) أهنو غادي تجمع متابعين😀 لغادي لبعض ديالهم إقدر إتحولو لزبناء😍 إلى كان داكشي لتدير إحترافي
لمهم نتما أن الموضوع إعجبكوم أتكون ستافدتو🤗 أو إلى لقيت التفاعل فهاذ البوسط غادي نزل بوسط الجزء الثاني تنشرح فيه كيفاش طلع الحساب ديالك أو توصلو لأكبر عدد ديال المتابعين😍 أو ندير ليكم واحد التطبيق أولا منصة لي تقدر من أنك تأخذ منها أفكار(الإلهام) 😏أو أنا متأكد بلي غادي تولي مدمن على هاذ المنصة😚 أو ندير ليكم شي نماذج ديال الرسائل لي تقدر تصيفطها(تواصل)🙄 للمعلنين(باللغة الانجليزية) أو واحد السيت لتقدر تحمل منو تصاور بجودة عالية 💥أو واعرة بزاف
By:mar ka hk-gang